शेतकरी कर्जमाफी ; कर्जमाफीच्या निर्णयाची अंतिम तारीख शेतकरी कर्जमाफीच्या मुद्द्यावर बोलताना, अजित पवार यांनी जाहीरनाम्यात दिलेला शब्द पूर्ण करण्याची ग्वाही दिली. राजू शेट्टी, वामन शेटप, अजित नवले यांसारख्या विविध नेत्यांशी चर्चा केल्यानंतर कर्जमाफीचा निर्णय ३० जून रोजी घेण्याचे ठरले आहे. ही कर्जमाफी किती एकरासाठी असेल याचे तपशील एप्रिल महिन्यात जाहीर केले जातील, असेही त्यांनी सांगितले.
शेतकऱ्यांना वेळेवर कर्ज फेडण्याचे आवाहन कर्जमाफीच्या सततच्या मागणीवर त्यांनी प्रश्न उपस्थित केला. “सारखंच फुकटतात, सारखंच माफ कसं व्हायचं” असे म्हणत, त्यांनी शेतकऱ्यांनी ०% व्याजाने पैसे मिळाल्यावर वेळेवर कर्ज फेडण्याची सवय लावली पाहिजे, असे आवाहन केले. यापूर्वी एकदा शरद पवार साहेबांनी, एकदा देवेंद्रजींनी आणि एकदा उद्धवजींच्या सरकारमध्ये कर्जमाफी देण्यात आली होती, याची आठवण करून देत, केवळ मागणी न करता जबाबदारीचे भान ठेवावे लागेल, असे मत त्यांनी व्यक्त केले.
