पंजाब डख ; १ नोव्हेंबर २०२५ रोजी महाराष्ट्रातील हवामानाबद्दल एक महत्त्वपूर्ण आणि दिलासादायक अंदाज व्यक्त केला आहे. राज्यातील शेतकरी बांधवांसाठी सर्वात महत्त्वाची बातमी म्हणजे, आता पाऊस कमी होणार आहे. येत्या फक्त तीन दिवसांत, म्हणजे ४ नोव्हेंबरनंतर, राज्यात पावसाचे प्रमाण लक्षणीयरीत्या घटणार आहे. आता फक्त तुरळक ठिकाणी हलक्या सरी पडण्याची शक्यता आहे. त्यामुळे मोठ्या पावसाची चिंता करण्याची गरज नाही.
थंडीची दमदार सुरुवात
पाऊस कमी होण्यासोबतच, राज्यात थंडीची चाहूल लागणार आहे. ५ नोव्हेंबरपासून राज्यात हळूहळू थंडी जाणवण्यास सुरुवात होईल. आणि सर्वात महत्त्वाचे म्हणजे, ७ नोव्हेंबरपासून राज्यातील पाऊस पूर्णपणे माघार घेणार आहे. याचा अर्थ, पूर्व विदर्भ, पश्चिम विदर्भ, दक्षिण महाराष्ट्र, उत्तर महाराष्ट्र, कोकणपट्टी, खानदेश आणि मराठवाडा या सर्व विभागातून मान्सून पूर्णपणे निरोप घेणार आहे. त्यामुळे आता थंडीच्या दिवसांसाठी सज्ज रहा!
शेतीसाठी आनंदाची बातमी
पाऊस थांबल्यामुळे शेतकरी बांधवांसाठी शेतीच्या कामांना गती देण्याची ही योग्य वेळ आहे. ज्या शेतकऱ्यांना कांद्याची रोपणी करायची आहे, त्यांनी आता ती सुरू करू शकता. तसेच, द्राक्षाची छाटणी, गहू पेरणी आणि हरभरा पेरणी अशा सर्व कामांसाठी अनुकूल वातावरण तयार होत आहे. पुढील दोन ते तीन दिवसांत पाऊस निघून जाईल, त्यामुळे पेरणी आणि इतर महत्त्वाची कामे तात्काळ सुरू करावीत. ही शेतकरी बांधवांसाठी मोठी आनंदाची बातमी आहे.
राज्यातील धुके आणि आर्द्रता
राज्यातील हवामान बदलत असताना, आणखी एका गोष्टीची नोंद घ्यावी. उद्या २ नोव्हेंबरपासून राज्याच्या अनेक भागांमध्ये ठीक ठिकाणी धुई, धुके आणि धुरळे (आर्द्रता) दिसून येईल. त्यामुळे सकाळी बाहेर पडताना विशेष काळजी घ्यावी. पश्चिम महाराष्ट्रातील सातारा, सांगली, सोलापूर, कोल्हापूर या भागांमध्ये ७ आणि ८ नोव्हेंबरपर्यंत थोडा पावसाचा अंश राहू शकतो, परंतु तो मोठा नसेल. वातावरणात अचानक मोठा बदल झाल्यास, लगेच नवीन संदेश देईल. धन्यवाद! (पंजाब डख लाईव्ह)
